Partnarskolane er avgjerande
Universitetet i Oslo uteksaminerer nærare 450 lærarar i året, og praksis i skolen er ein viktig del av studentane si utdanning. I arbeidet med dette er vi avhengige av samarbeidet vi har etablert med over 100 partnarskolar. Å være partnarskole er å være lærarutdannar og bidra aktivt i studentane si kvalifisering for yrket. Vi har stadig behov for flere partnarar. Ta gjerne kontakt med vårt praksisteam om din skole er interessert i å vite meir.
Universitetsskolane bidrar i studier og forsking
Eit utval partnarskolar har i dag status som universitetsskolar. Desse skolane har eit enno tettare samarbeid med instituttet for å vidareutvikle lærarutdanninga, skape gode modellar for lærarstudentane sin praksis og auke forskings- og utviklingsarbeid i skolane.
Viktige mentorar for studentane
Fleire dyktige faglærarar ved skolar i Oslo og Akershus er også mentorar for studentane i Lektorprogrammet si mentorordning, PROMO. Her vert studentane introdusert for ulike sider av læraren sin kvardag, og jobbar med aktuelle tema gjennom heile studieløpet sitt.
Forsking- og utviklingsarbeid i skolane
Gjennom blant anna Quality in Nordic Teaching (QUINT) (nordisk senter for framifrå forsking) og ProTed - Senter for framifrå lærarutdanning, samarbeider vi med skolar i forskings- og utviklingsprosjekt (FoU). Utover dette har instituttet eit omfattande samarbeid med skolar i våre andre forskingsprosjekt.
Etter- og vidareutdanning for lærarar og leiarar
Instituttet tilbyr også etter- og vidareutdanning innan ulike fagområde i skole og leiing gjennom Rektorutdanninga, Masterprogrammet i utdanningsleiing og rettleiarutdanninga.