48-timars heimeeksamen
Eksamen del 3: 48-timars heimeeksamen (PPU3520D, PROF4045)
Heimeeksamen er ein individuell eksamen som integrerer pedagogikk og fagdidaktikk A. I heimeeksamen skal du vise evne til å analysere og drøfte ei profesjonsfagleg problemstilling i lys av pedagogisk og fagdidaktisk teori.
Formelle krav
- Framside med kandidatnummer, emnekode og emnenamn, aktuelt semester og talet på ord i eksamenssvaret
- Omfang: 2500–3000 ord (ikkje medrekna framside og litteraturliste)
- Bruk APA-norma for referansar og litteraturliste
Eksamen og innlevering
Eksamenssvaret skal leverast i eksamensløysinga Inspera. Sjå informasjon om eksamen i Inspera på semestersida. Merk at svaret skal leverast som eitt dokument, sidan det ikkje er mogleg å lasta opp vedlegg til eksamenssvaret i Inspera.
Vurdering
Eksamen vert vurdert med karakter A–F.
Vurderingskriterium
Vurderingskriteria gir ei typebeskriving av svar på dei ulike nivåa. Eksamenssvar vil i praksis ofte ha innslag av ulike nivå, og vurderinga vil måtte vere basert på ei ganske stor grad av skjøn. Til dømes vil ein total mangel på fagkunnskap i pedagogikk og/eller fagdidaktikk gi karakteren «F - ikkje greidd», sjølv om kandidaten dokumenterer ei betydeleg refleksjons- og formidlingsevne.
Karakter/
UiO-beskriving
|
Stofftilfang
|
Vurderingsevne og sjølvstende
|
Språk, struktur og formalia
|
A Framifrå
- Framifrå prestasjon som klart utmerker seg.
- Kandidaten syner svært god vurderingsevne og stor grad av sjølvstende.
|
- Kandidaten svarar på spørsmålet i oppgåveformuleringa.
- Diskusjonen av pedagogisk og fagdidaktisk teori viser framifrå kjennskap til og forståing av pensumlitteraturen.
|
- Kandidaten argumenterer svært klart og sjølvstendig og underbyggjer med tilvising til pensumlitteratur.
- Kandidaten evnar tydeleg å sjå samanhengar mellom pedagogikk og fagdidaktikk og har ein nyansert og kritisk diskusjon av teori og eventuelle eksempel frå praksis.
|
- Språket er svært presist og sjølvstendig.
- Teksten er godt strukturert.
- Formalia er oppfylte.
|
B Mykje god
- Mykje god prestasjon.
- Kandidaten syner mykje god vurderingsevne og sjølvstende.
|
- Kandidaten svarar på spørsmålet i oppgåveformuleringa.
- Diskusjonen av pedagogisk og fagdidaktisk teori viser mykje god kjennskap til og forståing av pensumlitteraturen.
|
- Kandidaten argumenterer klart og sjølvstendig og underbyggjer med tilvising til pensumlitteratur.
- Kandidaten evnar på ein god måte å sjå samanhengar mellom pedagogikk og fagdidaktikk og har ein nyansert og kritisk diskusjon av teori og eventuelle eksempel frå praksis.
|
- Språket er presist og sjølvstendig.
- Teksten er godt strukturert.
- Formalia er oppfylte.
|
C God
- Jamt god prestasjon som er tilfredsstillande på dei fleste område.
- Kandidaten syner god vurderingsevne og sjølvstende på dei viktigaste områda.
|
- Kandidaten svarar på spørsmålet i oppgåveformuleringa.
- Diskusjonen av pedagogisk og fagdidaktisk teori er god og kjennskapen til og forståinga av pensumlitteraturen er prega av breidd og djupn utan klare manglar.
|
- Kandidaten argumenterer til dels sjølvstendig.
- Kandidaten evnar å sjå samanhengar mellom pedagogikk og fagdidaktikk.
- Teori og eventuelle eksempel frå praksis vert brukt stadfestande, med tillaup til nyansering og kritisk diskusjon.
|
- Språket er godt og sjølvstendig.
- Teksten er strukturert.
- Formalia er oppfylte.
|
D Nokså god
- Akseptabel prestasjon med nokre vesentlege manglar.
- Kandidaten syner ein viss grad av vurderingsevne og sjøvstende.
|
- Kandidaten svarar i nokon grad på spørsmålet i oppgåveformuleringa.
- Diskusjonen av pedagogisk og fagdidaktisk teori har ei viss relevans.
- Kandidaten viser ujamn kjennskap til og forståing av pensumlitteraturen.
|
- Oppgåvesvaret er prega av argument som kan framstå som meiningsytringar.
- Kandidaten evnar berre i nokon grad å sjå samanhengar mellom pedagogikk og fagdidaktikk.
- Teori og eventuelle erfaringar frå praksis er presenterte og diskuterte på ein lite nyansert og kritisk måte.
|
- Språket er nokså godt, men lite sjølvstendig og prega av mangel på faguttrykk.
- Teksten har ein viss struktur.
- Formalia er i rimeleg grad oppfylte.
|
E Tilstrekkeleg
- Prestasjonen tilfredsstiller minimumskrava, men heller ikkje meir.
- Kandidaten syner lita vurderingsevne og lite sjølvstende.
|
- Kandidaten svarar i nokon grad på spørsmålet i oppgåveformuleringa.
- Diskusjonen av pedagogisk og fagdidaktisk teori har noko relevans, men kan til tider vere noko perifer og tilfeldig.
- Kandidaten syner ujamn og mangelfull kjennskap til og forståing av pensumlitteraturen.
|
- Oppgåvesvaret er prega av usamanhengande argument som framstår som meiningsytringar.
- Kandidaten evnar berre i nokon grad å sjå samanhengar mellom pedagogikk og fagdidaktikk.
- Teori og eventuelle erfaringar frå praksis er presenterte og diskuterte på ein lite nyansert og kritisk måte.
|
- Framstillinga er forståeleg, men språket er til dels uklart og/eller forvirrande.
- Mangel på faguttrykk er framtredande.
- Teksten har svak struktur.
- Formalia er i nokon grad oppfylte.
|
F Ikkje greidd
- Prestasjon som ikkje tilfredsstiller dei faglege minimumskrava.
- Kandidaten syner både manglande vurderingsevne og sjølvstende.
|
- Kandidaten svarar i liten grad på spørsmålet i oppgåveformuleringa.
- Diskusjonen av pedagogisk og fagdidaktisk teori er fråverande eller reint tilfeldig, og viser klart mangelfull eller heilt sviktande kjennskap til og forståing av pensumlitteraturen.
|
- Oppgåvesvaret er prega av usamanhengande argument som framstår som meiningsytringar.
- Kandidaten ser i liten eller ingen grad samanhengar mellom pedagogikk og fagdidaktikk.
- Teori og eventuelle erfaringar frå praksis vert i liten eller ingen grad diskutert.
|
- Framstillinga er forståeleg, men språket er uklart og/eller forvirrande.
- Mangel på faguttrykk er framtredande.
- Teksten er ustrukturert.
- Formalia er i liten eller ingen grad oppfylt.
|
Publisert 24. jan. 2019 16:49
- Sist endret 10. okt. 2023 09:56